९२ करोड रुपैयाँ बराबरको पिना निर्यात

काठमाडौँ । चालू आर्थिक वर्षको ४ महिनाको अवधिमा नेपालबाट ९२ करोड रुपैयाँ बराबरको पिना निर्यात भएको छ । भन्सार विभागको तथ्यांकअनुसार साउनदेखि कात्तिक महिनासम्मको अवधिमा ९२ करोड रुपैयाँभन्दा धेरैको पिना निर्यात भएको हो । यस अवधिमा नेपालबाट १ करोड ८० लाख किलोग्राम पिना निर्यात भएको छ । र, नेपालबाट निर्यात हुने सबै पिना भारतीय बजारमा खपत हुने गरेको भन्सारको तथ्यांकले देखाएको छ । नेपालले विदेशी मुलुकबाट कच्चा खानेतेल ल्याउँछन् । र, त्यसलाई प्रशोधन गर्दा निस्कने पिनालाई समेत तयारी अवस्थामा बनाएर पुनः निर्यात गर्ने गरेका छन् ।