काठमाडौँ । नेदरल्यान्ड्सविरुद्ध नेपालले तेस्रो सफलता हात पारेको छ । १६ औँ ओभरमा नेपालले तेस्रो विकेट लिन सफल भएको हो । २३ रन बनाएका साइब्रान्ड एन्जलब्रच्टलाई ललित राजवंशीले शिकार बनाएका हुन् । यसअघि छैटौँ ओभरमा म्याक्स ओ डाउड १० रन बनाएर रन आउट भएका थिए । त्यस्तै तेस्रो बलमा सोमपाल कामीले शून्य रन बनाएका माइकल लेभिटलाई क्याच आउट गराएका थिए ।
आजको खेलमा नेपालले टस जितेर पहिले बलिङ गर्ने निर्णय गरेको हो । नेदरल्यान्ड्सले १६ ओभरमा ३ विकेटको क्षतिमा ५६ रन बनाएको छ । पहिलो खेलमा बिहीबार नेपाल नामिबियासँग ४ विकेटले पराजित भएको थियो । नेपालले प्रस्तुत गरेको १ सय ३३ रनको लक्ष्य नामिबियाले ३३.१ ओभरमा ६ विकेटको क्षतिमा पछ्याएको थियो ।
