वेस्टर्न युनियन मनी ट्रान्सफरको ‘नगदमा हर्ष बनिरहोस्, नयाँ वर्ष शुभ रहोस्’ अभियान

काठमाडौँ । वेस्टर्न युनियन मनी ट्रान्सफरले नेपालीहरुको नयाँ बर्षको अवसरमा “नगदमा हर्ष बनिरहोस्, नयाँ बर्ष शुभ रहोस्” अभियान जारी गरेको छ । वेस्टर्न युनियन मनी ट्रान्सफरले नयाँ बर्षको उत्सवमा ग्राहकहरुको खुशी बढाउने लक्ष्य सहित यस योजना ल्याएको जनाएको छ ।  यस योजनामा सहभागी हुनका लागि ग्राहकहरुले नेपालका सबै ७७ जिल्लाहरुमा फैलिएका वेस्टर्न युनियन मनी ट्रान्सफर सेवाका १५,००० भन्दा बढी भुक्तानी काउन्टरहरु मध्ये कुनैबाट आफ्नो रेमिटेन्स प्राप्त गर्नुपर्नेछ । अभियान अवधिका प्रत्येक कारोबारहरु स्वत: रुपमा साप्ताहिक र बम्पर ड्रको लागि समावेश हुनेछन् । यो योजना चैत १२ देखि शुरु भइ बैशाख १८  सम्म लागू हुनेछ।