दोस्रो ओभरमै आउट भए देव खनाल

काठमाडौँ । कीर्तिपुरस्थित त्रिवि अन्तर्राष्ट्रिय क्रिकेट मैदानमा जारी आयरल्यान्ड ‘ए’ विरुद्धको तेस्रो तथा अन्तिम टी–२० खेलमा सोमबार नेपाल ‘ए’ ले आफ्नो पहिलो विकेट गुमाएको छ । नेपाल ‘ए’ ले पहिलो विकेटका रुपमा ओपनर देव खनाललाई गुमाएको हो । देवलाई ६ रनको ब्यक्तिगत स्कोरमा आयरल्यान्डका बलर फियोन ह्यान्डले कप्तान निल रकद्वारा क्याच गराएका हुन् ।दोस्रो ओभरको अन्तिम बलमा देव आउट हुँदा नेपालले केवल १० रन बनाएको छ । आयरल्यान्डले टस जिती नेपाललाई पहिलो ब्याटिङको निम्तो दिएको हो । तीन खेलको शृंखला भने आयरल्यान्ड ‘ए’ ले यसअघि नै जितिसकेको छ । शुक्रबार खेलिएको पहिलो खेलमा आयरल्यान्ड ‘ए’ ले घरेलु टोली नेपाल ‘ए’ लाई २१ रनले हराएको थियो ।