काठमाडौँ । यस वर्षको ज्यापु रत्न पुरस्कार प्राडा अञ्जना डंगोल सिंहलाई प्रदान प्रदान गरिएको छ । आइतबार २१औँ ज्यापु दिवसका अवसरमा वसन्तपुर दरबार स्क्वायरमा आयोजित विशेष समारोहकाबिच प्रधानमन्त्री केपी शर्मा ओलीले उनलाई पुरस्कार प्रदान गरेका हुन् ।
डा सिंह, हाल धुलिखेल अस्पतालबाट आफ्नो स्वास्थ्य सेवामा समर्पित हुँदै आएकी छन् । उनले बेलायतबाट पाठेघर खस्ने समस्याको समाधानका बारेमा विद्यावारिधि उपाधि समेत प्राप्त गरेकी छन् ।
नेवार समुदायले योमरी पूर्णिमाको दिन यो दिवस मनाउने गर्छन् । दिवसका दिन आइतबार नेवार समाजको आयोजनामा सांस्कृतिक र्याली र मनमोहक सांस्कृतिक प्रदर्शनीहरूसमेत गरिएको थियो ।
