एक पुरुषको ढुंगा लागेर शनिबार मृत्यु 

काठमाडौँ । मुगुम कार्मारोङ गाउँपालिकामा एक पुरुषको ढुंगा लागेर शनिबार मृत्यु  भएको छ। मुगुम कार्मारोङ- ६ रिउस बगरमा रहेको जलविद्युतमा काम गर्न घरबाट हिँडेका सोही  गाउँपालिका- ५ का ५० वर्षीय कोन्जोक लाक्याप लामाको सडक माथिबाट आएको ढुंगा लागेर मृत्यु  भएको हो। विद्युत् गृहको नहर पहिराले क्षति गरेपछि  वडा नं ५ र ६ का स्थानीयको आज काम गर्ने पालो थियो। सोही कामका लागि मृतक लामासहित अन्य चारजना सेरोग गाउँबाट रिउस आउँदै गर्दा तिलिकछु भन्ने स्थानमा माथिबाट आएको ढुंगा लागेर घाइते बनाएको थियो।