काठमाडौं। भुक्तानी प्रणाली सञ्चालक फोन पेको अध्यक्षमा सशिन जोशी नियुक्त भएका छन्। जोशी अघि विश्वास ढकाल कम्पनीको अध्यक्ष थिए।
फोनपेको बोर्डमा अध्यक्ष जोशीसहित सिद्धान्त ठकुरी र सम्भव सिरोहिया निर्देशकको रुपमा छन्। जोशी फोनपेको माउ एफवानसफ्ट ग्रुपको स्वतन्त्र निर्देशकसमेत हुन्। फोनपेको स्वतन्त्र निर्देशकको दायित्व पनि जोशीसँगै छ।
फोनपे पेमेन्ट सर्भिस लिमिटेड आइपीओ जारी गर्ने तयारीमा छ। जसका लागि फोनपेले एनएमबि क्यापिटलसँग सम्झौतासमेत यसअघि नै गरिसकेको छ। आइपीओलगायतका प्राविधिक पक्षमा अब्बल ज्ञान भएका जोशीलाई फोनपेको अध्यक्ष बनाइएको हो।
