पोखराको क्वारेन्टिनमा ७ मुर्रा राँगा, प्रशिक्षणपछि मात्र वीर्य संकलन

काठमाडौं । पोखरा- प्रधानमन्त्री पुष्पकमल दाहाल ‘प्रचण्डको भारत भ्रमणका बेला भारतले उपहारमा दिएको ७ मुर्रा राँगा पोखरा आइपुगेको छ। भारतले १५ मुर्रा राँगा दिएको थियो।पोखराको राष्ट्रिय पशु प्रजनन कार्यालयमा शुक्रबार राति आइपुगेको हो। पाँचवटा लहान र तीनवटा नेपागञ्जको राष्ट्रिय पशु प्रजनन कार्यालयको भागमा परेको छ।पोखरा आइपुगेका राँगालाई क्वारेन्टिनमा राखेको राष्ट्रिय पशु प्रजनन कार्यालय, पोखराका प्रमुख डा. जगदीश पाण्डेयले बताए।‘कम्तिमा पनि २१ दिन क्वारेन्टिन राख्छौं। २-३ दिन यहाँको वातावरणमा भिज्नै लाग्छ, नयाँ गोठ भयो नि त। त्यहाँको खानपान र यहाँको लगभग मिलेकाले एडजस्ट भइसकेका छन्’, उनले भने।