बुटवल । अविरल वर्षाका कारण सिद्धार्थ राजमार्ग अन्तर्गतको बुटवल -पाल्पा सडक खण्ड अवरुद्ध भएको छ । वर्षापछि ठाउँ ठाउँमा पहिरो खस्दा सडक अवरुद्ध भएको राजमार्ग ट्राफिक प्रहरी कार्यालय बुटवलले जनाएको छ । तिनाउ गाउँपालिका–३ को सिद्ध बाबा खण्डअन्तर्गत हेडवर्क्समा ठुलो पहिरो खसेको छ । ढुङ्गासहितको पहिरो खसेको र निरन्तर वर्षाले सफा गर्न समस्या भएको प्रहरीको भनाइ छ ।
सिद्धबाबा क्षेत्रमा सडक अवरुद्ध भएपछि तराईबाट पहाडी जिल्लामा चल्ने सवारी साधन बुटवलमै रोकिएका छन् ।
यस्तै कपिलवस्तु गोरुसिंहदेखि अर्घाखाँचीको सदरमुकाम सन्धिखर्क जाने गोरुसिङ्गे सन्धिखर्क सडक पनि अवरुद्ध भएको छ । अर्घाखाँचीको सितगंगा नगरपालिका–२ भुवन पाटामा पहिरो जाँदा सडक अवरुद्ध भएको प्रहरीले जनाएको छ ।
