काठमाडाैं । राष्ट्रिय स्वतन्त्र पार्टी (रास्वपा) का सभापति रवि लामिछानेले सरकारमा जाँदा गाली खाएको बताएका छन् ।

बिहीबार रास्वपाको नीति मन्थन कार्यक्रममा उनले सिंहदरबार कसरी चल्छ भनेर हेर्न मात्र गएको बताए । उनले भने, ‘भागबण्डा लिएर सरकारमा जानु भएको थियो नि भन्ने प्रश्न उठेको छ । यसमा एउटा कुरा स्पष्ट गर्न चाहन्छु, यदी हाम्रो पार्टीले राजनीतिक भागबण्डामा आफ्नो भाग खोज्थ्यो भने मन्त्रिपरिषद्को बैठकमा खल्तीबाट दुईचार जनाको नाम दिइहाल्थ्यौँ । तर भागबण्डा नखाने भए सरकारमा किन गएको भनेर अर्कोतिर प्रश्न गर्छन । दलसँग मिलेर जाँदा गाली खाने काम बाहेक केही नहुँदो रहेछ । केही गर्नु थियो, सिक्नु थियो, सिंहदरबार कसरी चलाउने भन्ने कुरा जान्नको लागि हामी भागबण्डामा गएका हौँ ।’

उनले वर्षौं काम गरेको भनेर आफ्नै पार्टीका साथीहरुले योगदानको मूल्य माग्न थालेको आरोप लगाए । उनले भने, ‘राजनीतिक दलले ठुलो भारी बोक्नु परेको छ, लाखौँ कार्यकर्ताको भारी बोक्नु परेको छ । भातृ संगठनको भारी बोक्नु परेको छ । मेरै साथीले योगदानको मूल्य मागिरहेका छन् । पार्टी खोलेको दुई वर्ष भएको छैन मेरो योगदान छ भन्नु हुन्छ अरू पार्टीको त के कुरा गर्नु ।’


उनले यसरी पार्टीमा योगदान दिनेलाई राज्यको सम्पत्तिबाट पाल्नु परेको जिकिर गरे । राज्यको स्रोतबाट आफ्ना मानिस पालिने यो सिलसिला नियुक्ति हुनेसम्म पुगेको बताए ।

LEAVE A REPLY

Please enter your comment!
Please enter your name here